Karen

မ့ၢ်နဘၣ်တၢ်မၤန့ၢ်နၤတၢ်ပှဲၤတၢ်တတီတတြၢ်ခီဖျိဘံးထိရံ ယါပဒိၣ်အကရၢကရိမ့တမ့ၢ်လီၢ်က၀ီၤကီၣ်ကး က ရၢန့ၣ်ဧါ.

မ့ၢ်နအိၣ်ဒီးတၢ်ကဒူးကဒ့ၣ်အဂီၢ်တၢ်ဂ့ၢ်တခါဧါ.

ဘံးထိရံယါကမျၢၢ်ပှၤမၤခဲးတၢ် Victorian Ombudsman ဃိထံသ့ၣ်ညါတၢ်ကဒူးကဒ့ၣ် ဘၣ်ဃးဘံးထိရံယါကီၢ်စဲၣ်ပဒိၣ်အကရၢကရိ တဖၣ်ဒီးလီၢ်က၀ီၤကီၣ်ကးကရၢတဖၣ်န့ၣ်လီၤ. တၢ်အံၤပၣ်ဃုာ်ကမျၢၢ်အကၠိတဖၣ်, VicRoads, Corrections Victoria (ဃိၣ်), Department of Families, Fairness and Housing (ဟံၣ်ဖိဃီဖိ,တၢ်တီတၢ်တြၢ်ဒီးဟံၣ်ဃီအ၀ဲၤကျိၤ), Transport Accident Commission (တၢ်တီထီၣ်ဆှၢလီၤသတူၢ်ကလာ်တၢ်ကဲထီၣ်သးအ ခီၣ်မံးရှၢၣ်), WorkCover ဒီးတၢ်အဂၤတဖၣ်န့ၣ်လီၤ. ပှၤတဂၤလၢ်လၢ်တီၣ်ထီၣ်တၢ်ကဒူးကဒ့ၣ်အတၢ်ဂ့ၢ်သ့လီၤ.

ဖဲနမ့ၢ်အိၣ်ဒီးတၢ်ကဒူးကဒ့ၣ်အတၢ်ဂ့ၢ်တခါအခါ

အခီၣ်ထံးန့ၣ်ကျဲးစၢးဃဲၣ်လီၤဘှါလီၤတၢ်ဂ့ၢ်ကီဃုာ် ဒီးကီၢ်စဲၣ်ပဒိၣ်အကရၢကရိဒီးလီၢ်က၀ီၤကီၣ်ကးက ရၢတက့ၢ်.

ဖဲနမ့ၢ်တသးမံဒီးကျိၤကျဲလၢနကရၢကရိမ့တမ့ၢ်ကီၣ် ကးကရၢဟံးဖီၣ်မၤ၀ဲဒၣ်နတၢ်ကဒူးကဒ့ၣ်န့ၣ်ဆဲးကျိး ဘၣ်ဘံးထိရံယါကမျၢၢ်ပှၤမၤခဲးတၢ် (Victorian Ombudsman) တက့ၢ်.

ပှၤကတိၤကျိးထံတၢ်

လၢတၢ်မၤစၢၤလၢနကျိာ်အဂီၢ်,ကိးဘၣ် 131 450 ဒီးဃ့န့ၢ် Victorian Ombudsman (1800 806 314) စးထီၣ်ဂီၤ 9 နၣ်ရံၣ် – ဟါ 4 နၣ်ရံၣ်, မုၢ်ဆၣ်တုၤမုၢ်ဖီဖးတက့ၢ်. မ့တမ့ၢ်နဆှၢအံမ့(လ) ဆူ complaints@ombudsman.vic.gov.au သ့လီၤ.